"Реал" ҳимоячиси Серхио Рамос Испания кубоги 1/8 финалида "Сельта"га қарши кечган ўйинда спортчиларга хос бўлмаган ҳулқи учун жазоланди.
Эслатиб ўтамиз, ҳимоячи ўйиннинг 72-дақиқасида майдондан четлаштирилган.
Ўйинни бошқарган бош ҳакам Айса Гамес учрашувдан сўнг футболчи уни ўйин давомида бир неча бор ҳақоратлаганини ва майдондан четлатилган вақтда ҳам бундан тўхтамаганлигини хабар қилган.
Бундай воқеаларда футболчи тўрт ўйинга четлаштирилади, шунингдек, ўйиндаги қизил карточка учун бир ўйинга четлатилиш ҳам ўз кучида қолади. Шундай қилиб, Рамос беш ўйинни ўтказиб юборадиган бўлди.
Эслатиб ўтамиз, Серхио Рамос "Реал"нинг тез-тез четлаштирилувчи футболчиси ҳисобланади, унинг ҳисобида 15 та қизил карточка бор.













