"Барселона" президенти Жоан Лапорта тез орада қанот ҳимоячиси Жоау Канселу билан шартнома имзолашини маълум қилди.
"Кўк-анорранглилар" португалияликни жорий мавсум якунига қадар Саудия Арабистонининг "Ал-Ҳилол" клубидан ижарага олишмоқда. Каталония гранди Миланнинг "Интер" клуби билан ўйинчи учун курашда ғалаба қозонишга муваффақ бўлди.
"Канселу эртага келади ва тиббий кўрикдан ўтади. У биз билан бирга бўлади. Бу Декунинг навбатдаги муваффақияти. Бу бозорда ўйинчиларни қўлга киритиш ҳар доим ҳам осон бўлмаган, аммо спорт директоримиз ажойиб иш қилди", - дея Лапортнинг сўзларини келтиради The Touchline.
Жоау Канселу 2023/24 йилги мавсумда "Барселона"да ижара асосида ўйнаган.
