"Barselona" prezidenti Joan Laporta tez orada qanot himoyachisi Joau Kanselu bilan shartnoma imzolashini ma’lum qildi.
"Ko‘k-anorranglilar" portugaliyalikni joriy mavsum yakuniga qadar Saudiya Arabistonining "Al-Hilol" klubidan ijaraga olishmoqda. Kataloniya grandi Milanning "Inter" klubi bilan o‘yinchi uchun kurashda g‘alaba qozonishga muvaffaq bo‘ldi.
"Kanselu ertaga keladi va tibbiy ko‘rikdan o‘tadi. U biz bilan birga bo‘ladi. Bu Dekuning navbatdagi muvaffaqiyati. Bu bozorda o‘yinchilarni qo‘lga kiritish har doim ham oson bo‘lmagan, ammo sport direktorimiz ajoyib ish qildi", - deya Laportning so‘zlarini keltiradi The Touchline.
Joau Kanselu 2023/24 yilgi mavsumda "Barselona"da ijara asosida o‘ynagan.
