ЖЧ-2026 ҳамда Осиё кубоги-2027 қўшма саралаши, 2-босқич саралаши доирасида Ўзбекистон ҳамда Эрон баҳси ўз ниҳоясига етди. 

Учрашувдан сўнг ташкил қилинган мабуот анжуманида Сречко Катанец иширок этди ҳамда ўз фикрлари билан ўртоқлашди. 

«Ҳаммага хайрли кеч. Захирамиздан хурсанд бўлдим. Бироқ Эронга қарши қийин баҳсда камбэк амалга ошира олдик. Биринчи бўлимдан қониқиш ҳосил қилмадим. Ҳеч нарса қила олмадик. Улар иккита вазиятни голга айлантира олди. Аммо бугунги камбэкнинг қиймати юқори. Барчамиз хурсандмиз. 

Қизил карточка бўйича қарорда ҳакамни айблай олмайман. Барчаси ҳиссиётлар натижасида юзага келади. Бироқ ҳиссиётларни жиловлай олиш ҳам муҳим. Рақиб бизни бунга мажбур қилди. Шунга қарамай ритмдан чиқиб кетмадик. Бу унчалик муҳим бўлмаган вазият. Мураббийларнинг ишлаш ҳолати оддий, барчага тушунарли, эронликлар доим шунақа қилган. 

Жамоа танаффусга чиққанида катта мотивация бердим. Кўпроқ тўпни ҳаракатга келтиришни тушунтирдим. Тезроқ қарор қабул қилиш муҳим эди. Рақибга кўпроқ яқин ўйнашни алоҳида футболчиларга таъкидладим. 

Бугунги ўйиндан қониқиш ҳосил қилдим. Футболчиларнинг тезкор реакцияси мени хурсанд қилди. Биринчи бўлимдан сўнг йирик ҳисоб бўлиб кетиши мумкин эди. Бироқ амалладик натижани сақлаб қолишни. Саралашларда дуранг бироз хафа қилиши мумкин. Ғалаба учун ўйнагандик. Вазиятлардан рақиб ҳам, биз ҳам етарлича фойдалана олмадик. Чет элдаги ўйинчиларга кўпроқ ўйин амалиёти берилса, натижалар яхшиланаверади. Ашурматов, Шомуродов шулар жумласидандир. Бироқ ўйин услубида ҳам ўсишни унутмаслик керак. 

Ёш ўйинчиларга кўпроқ имконият беряпмиз. Ҳусанов клубида кўпроқ ўйнамагани учун уларга секин-секин амалиёт бериб боряпмиз. Қолган вундеркиндлар ҳақида ҳам шу гап», – деди мураббий.