Мамлакат миллий чемпионатининг 25-турида "Металлург" Тошкентда "Бунёдкор" меҳмони бўлади. Мазкур жамоалар шу кунга қадар ўзаро 35 маротаба куч синашишган. “Қалдирғочлар” 25 та ўйинда ғалаба қозонган. 4 та ўйинда “Металлург” зафар қучган. 6 та учрашувда эса дуранг қайд этилган. Тўплар нисбати: 65:28.

Бу йилги мавсумнинг биринчи даврасида “Металлург” Бекободда 1:1 ҳисобида дуранг ўйнади. 17-дақиқада Дамир Темиров пенальтидан ҳисобни очган бўлса, 24-дақиқада Жасур Ҳакимов жавоб голини киритганди.

Тошкентда бўлиб ўтган сўнгги бешта учрашув:

10.05.2022 «Бунёдкор» - «Металлург» 1:1
13.08.2021 «Бунёдкор» - «Металлург» 2:0
17.08.2020 «Бунёдкор» - «Металлург» 2:0
18.08.2019 «Бунёдкор» - «Металлург» 1:0
24.11.2018 «Бунёдкор» - «Металлург» 1:0

“Бунёдкор” ҳақида

“Бунёдкор” мамлакатимизнинг ёш жамоаларидан бири. Аммо қисқа фурсатда жамоа ўзининг шонли тарихини яратди. Бир йил ичида биринчи лигадан олий лигага йўл олди. Кучлилар сафида эса доимий равишда етакчилар қаторидан ўрин эгаллаб келаяпти. “Қалдирғочлар” 5 марта Ўзбекистон чемпиони, 2 марта вице-чемпион, 2 марта бронза медали совриндори, 4 марта Ўзбекистон кубоги соҳиби ва 5 карра финалчиси, Суперкубоги соҳиби бўлди.

“Бунёдкор” стадиони мамлакатимизнинг энг муҳташам футбол мажмуаси саналади. 2012 йилнинг 28 сентябрь санасида қуриб, фойдаланишга топширилган,  “Бунёдкор”  стадиони  ўз бағрига 34000 томошабинни сиғдиради.

“Бунёдкор” бугунгача олий лига баҳсларида 470 та учрашув ўтказган. Шулардан 285 тасида ғалаба қозонган, 101 тасида дуранг ўйнаган, 84 тасида мағлубиятга учраган. Киритилган ва ўтказиб юборилган тўплар фарқи – 824:381. Жамоанинг кучлилар сафидаги энг йирик ғалабаси – 7:0 (“Шўртан”, 2008 йил), энг йирик мағлубияти – 0:5 (“Пахтакор”, 2020 йил).