"Интер Майами" хўжайини Дэвид Бекхэм ўз клубининг асосий юлдузи Лионель Месси футболчилик фаолиятини якунлаганидан сўнг келажагини Америка Қўшма Штатлари билан боғлашига умид қилмоқда. Бекхэм Мессининг келажагини қандай кўришини тушунтирди.
"Мен унинг биз билан қолишини истайман, унинг фигураси футболчиларни ўзига тортади, клубнинг жозибадорлиги ва нуфузини оширади. Мен унинг Қўшма Штатларда футбол ривожланишига ёрдам беришини хоҳлайман. Ўйлайманки, унинг ўзи ҳам шу пайтгача бўлгани каби, бундай чақирувдан манфаатдор бўлади", - дея Бекхэмнинг сўзларидан иқтибос келтиради Италиянинг ITASportPress агентлиги.
Эслатиб ўтамиз, Лионель Месси ўтган ёздан буён АҚШда ўйнамоқда.
