"Персеполис" самолётига Ар Риядга қўниш учун рухсат берилмаганининг сабаби маълум бўлди.
"Персеполис" клуби "Ислом инқилоби гвардияси корпуси"га алоқадор "Qeshm Air" авиакомпанияси орқали Саудияга учмоқчи бўлган. Саудияликлар эса ҳарбий ташкилотга алоқаси бўлган ушбу авиакомпаниянинг самолётини қабул қилишдан бош тортишган.
"Персеполис" клуби Ар Риядга қўниш учун рухсатга эга бошқа авиакомпаниялар хизматидан фойдаланиши мумкин эди. Аммо, клуб бош менеджери Ризо Дарвиш 40 минг АҚШ долларини тежаш мақсадида, давлат ҳарбий структурасига тегишли авиакомпания хизматидан фойдаланишга қарор қилган.
