"Persepolis" samolyotiga Ar Riyadga qo‘nish uchun ruxsat berilmaganining sababi ma’lum bo‘ldi.
"Persepolis" klubi "Islom inqilobi gvardiyasi korpusi"ga aloqador "Qeshm Air" aviakompaniyasi orqali Saudiyaga uchmoqchi bo‘lgan. Saudiyaliklar esa harbiy tashkilotga aloqasi bo‘lgan ushbu aviakompaniyaning samolyotini qabul qilishdan bosh tortishgan.
"Persepolis" klubi Ar Riyadga qo‘nish uchun ruxsatga ega boshqa aviakompaniyalar xizmatidan foydalanishi mumkin edi. Ammo, klub bosh menedjeri Rizo Darvish 40 ming AQSH dollarini tejash maqsadida, davlat harbiy strukturasiga tegishli aviakompaniya xizmatidan foydalanishga qaror qilgan.
