Осиё чемпионлар лигаси гуруҳ босқичи 5-тури доирасида ОКМК Олмалиқда «Ал-Иттиҳод»ни қабул қилиб, кичик ҳисобда имкониятни бой берди.

Миржалол Қосимов шогирдлари мазкур ўйинда аввалгиларига қараганда яхшироқ ҳаракат қилишди. Олмалиқликлар баҳс давомида хавфли вазиятларни юзага келтиришган бўлса-да, улардан фойдаланишда оқсашди. Аксинча, саудияликларнинг тажрибали ҳужумчиси Абдулраззоқ Ҳамидуллоҳ ўз имкониятларининг иккитасидан фойдаланди.

Ўйин тугашига 12 дақиқа қолганида Мартин Боаке ОКМКнинг битта жавоб тўпига муаллифлик қилди.

Шу тариқа, ОКМК кетма-кет бешинчи ўйинда ҳам мағлубиятга учради. "Ал-Иттиҳод" эса 12 очко билан кейинги босқич йўлланмасини қўлга киритди.

ОЧЛ, «C» гуруҳи, 5-тур
ОКМК - «Ал-Иттиҳод» - 1:2 (0:2)
Голлар: Мартин Боаке (78) — Абдулраззоқ Ҳамидуллоҳ (30, 35)
ОКМК: 25. Валижон Раҳимов, 7. Дилшодбек Аҳмадалиев, 3. Сардор Раҳмонов, 20. Ислом Тўхтахўжаев, 2. Акрамжон Комилов, 15. Ойбек Рустамов (18. Бахтиёржон Қосимов, 27 (19. Муҳаммаданас Ҳасанов, 79), 4. Миржамол Қосимов (24. Мурат Эрматов, 79), 88. Сиаваш Ҳақназарий (14. Миржаҳон Мираҳмадов, 79), 17. Санжар Турсунов, 27. Мартин Боаке, 10. Хуршид Ғиёсов, 29. Виталий Денисов (23. Искандар Бусинов, 88).
“Ал-Иттиҳод”: 1. Ал Майуф, 5. Луис Фелипе, 15. Ҳассан Кадеш, 28. Аҳмад Бамасуд, 13. Ал Шанкти, 16. Ал-Ғамдий, 8. Фабиньо, 77. Салоҳ Ал-Амрий (24. Абдулраҳмон Алобуд, 74), 11. Жота (25. Сувайлем Алманҳалий, 86), 99. Ҳамидуллоҳ, 9. Карим Бензема.
Огоҳлантириш: Бахтиёр Қосимов (45+3).