Osiyo chempionlar ligasi guruh bosqichi 5-turi doirasida OKMK Olmaliqda «Al-Ittihod»ni qabul qilib, kichik hisobda imkoniyatni boy berdi.

Mirjalol Qosimov shogirdlari mazkur o‘yinda avvalgilariga qaraganda yaxshiroq harakat qilishdi. Olmaliqliklar bahs davomida xavfli vaziyatlarni yuzaga keltirishgan bo‘lsa-da, ulardan foydalanishda oqsashdi. Aksincha, saudiyaliklarning tajribali hujumchisi Abdulrazzoq Hamidulloh o‘z imkoniyatlarining ikkitasidan foydalandi.

O‘yin tugashiga 12 daqiqa qolganida Martin Boake OKMKning bitta javob to‘piga mualliflik qildi.

Shu tariqa, OKMK ketma-ket beshinchi o‘yinda ham mag‘lubiyatga uchradi. "Al-Ittihod" esa 12 ochko bilan keyingi bosqich yo‘llanmasini qo‘lga kiritdi.

OCHL, «C» guruhi, 5-tur
OKMK - «Al-Ittihod» - 1:2 (0:2)
Gollar: Martin Boake (78) — Abdulrazzoq Hamidulloh (30, 35)
OKMK: 25. Valijon Rahimov, 7. Dilshodbek Ahmadaliyev, 3. Sardor Rahmonov, 20. Islom To‘xtaxo‘jayev, 2. Akramjon Komilov, 15. Oybek Rustamov (18. Baxtiyorjon Qosimov, 27 (19. Muhammadanas Hasanov, 79), 4. Mirjamol Qosimov (24. Murat Ermatov, 79), 88. Siavash Haqnazariy (14. Mirjahon Mirahmadov, 79), 17. Sanjar Tursunov, 27. Martin Boake, 10. Xurshid G‘iyosov, 29. Vitaliy Denisov (23. Iskandar Businov, 88).
“Al-Ittihod”: 1. Al Mayuf, 5. Luis Felipe, 15. Hassan Kadesh, 28. Ahmad Bamasud, 13. Al Shankti, 16. Al-G‘amdiy, 8. Fabinyo, 77. Saloh Al-Amriy (24. Abdulrahmon Alobud, 74), 11. Jota (25. Suvaylem Almanhaliy, 86), 99. Hamidulloh, 9. Karim Benzema.
Ogohlantirish: Baxtiyor Qosimov (45+3).