Ёшлар ўртасидаги жаҳон чемпионатида Аргентина ва Германия терма жамоалари ўртасида ярим финал учрашуви бўлиб ўтди.
Учрашув голларга бой бўлди ва 3:3 ҳисобидаги сермаҳсул дуранг билан якунланди. Қайд этиш жоиз, «албиселесте» қўшиб берилган вақтда вазиятни қутқара олди.
Жаҳон чемпионати финал йўлланмаси соҳиби пенальтилар сериясида аниқланди. Аниқроғи, германиялик футболчилар футбол лотереясида 4:2 ҳисобида ғалаба қозонишди.
Германиянинг финалдаги рақиби Франция ва Мали терма жамоалари ўртасидаги қарама-қаршиликда аниқланади.
Ушбу учрашув айни дамда давом этмоқда.
