"Манчестер Юнайтед"нинг собиқ ҳимоячиси Рио Фердинанд "Челси" марказий ҳимоячиси Тиаго Силва 39 ёшида қандай қилиб юқори савияни сақлаб қолганини тушунмаяпти.
“36-37 ёшимда ҳар бир ўйиндан кейин оғриқ ҳис қилардим. Тиаго Силва буни қандай қилиб амалга ошираётганини тушунмаяпман. Сиз унинг профессионаллигини ҳурмат қилишингиз керак. У “Нюкасл”га қарши ўйинни ёмон ўтказди, аммо бунинг кимга аҳамияти бор?”, - дея Фердинанднинг сўзларини келтиради журналист Саймон Филлипс.
Эслатиб ўтамиз, Силванинг "Челси" билан шартномаси мавсум охирида якунига етади. Бироқ, аввалроқ "кўклар" раҳбарияти бразилиялик билан янги шартномани январ ойида муҳокама қилишга тайёр экани ҳақида миш-мишлар тарқалган эди.
