"Manchester Yunayted"ning sobiq himoyachisi Rio Ferdinand "Chelsi" markaziy himoyachisi Tiago Silva 39 yoshida qanday qilib yuqori saviyani saqlab qolganini tushunmayapti.
“36-37 yoshimda har bir o‘yindan keyin og‘riq his qilardim. Tiago Silva buni qanday qilib amalga oshirayotganini tushunmayapman. Siz uning professionalligini hurmat qilishingiz kerak. U “Nyukasl”ga qarshi o‘yinni yomon o‘tkazdi, ammo buning kimga ahamiyati bor?”, - deya Ferdinandning so‘zlarini keltiradi jurnalist Saymon Fillips.
Eslatib o‘tamiz, Silvaning "Chelsi" bilan shartnomasi mavsum oxirida yakuniga yetadi. Biroq, avvalroq "ko‘klar" rahbariyati braziliyalik bilan yangi shartnomani yanvar oyida muhokama qilishga tayyor ekani haqida mish-mishlar tarqalgan edi.
