Vinisius Junior Madridning "Real" klubi bilan shartnomani uzaytirishga rozi bo‘ldi. Chorshanba kuni bo‘lib o‘tgan tomonlarning uchrashuvi burilish nuqtasi bo‘ldi: "qaymoqranglilar" braziliyalik futbolchiga yiliga 24 million yevro maosh va bonuslar taklif qilishdi – bu shartlar o‘yinchini qoniqtirdi, deb xabar beradi Cadena SER. Uzoq vaqtdan beri ilk bor 26 yoshli futbolchi bo‘yicha muzokaralar ijobiy yakunlandi.
Avvalroq "Real" Vinisiusga 22 million yevro atrofida taklif qilgan va bu forvardni qoniqtirmagan edi. Vaziyatdan "qirollik" klubi yulduzini o‘z transfer nishoniga aylantirgan Londonning "Arsenal" klubi foydalanib qolmoqchi edi.
Vinisiusning amaldagi shartnomasi kelasi yili tugaydi.
