Винисиус Жуниор Мадриднинг "Реал" клуби билан шартномани узайтиришга рози бўлди. Чоршанба куни бўлиб ўтган томонларнинг учрашуви бурилиш нуқтаси бўлди: "қаймоқранглилар" бразилиялик футболчига йилига 24 миллион евро маош ва бонуслар таклиф қилишди – бу шартлар ўйинчини қониқтирди, деб хабар беради Cadena SER. Узоқ вақтдан бери илк бор 26 ёшли футболчи бўйича музокаралар ижобий якунланди.
Аввалроқ "Реал" Винисиусга 22 миллион евро атрофида таклиф қилган ва бу форвардни қониқтирмаган эди. Вазиятдан "қироллик" клуби юлдузини ўз трансфер нишонига айлантирган Лондоннинг "Арсенал" клуби фойдаланиб қолмоқчи эди.
Винисиуснинг амалдаги шартномаси келаси йили тугайди.
