Portugaliya milliy terma jamoasi futbolchilaridan birortasi Krishtianu Ronalduning jamoani tark etish sabablariga bag‘ishlangan ijtimoiy tarmoqdagi postiga layk bosmagani ma’lum qilindi.

Eslatib o‘tamiz, 41 yoshli hujumchi milliy terma jamoa bosh murabbiyi Jorje Jezush bilan yuzaga kelgan kelishmovchilikdan so‘ng jamoa qarorgohini tark etgan edi.

Mojaroga 27 sentyabr kuni Norvegiyaga qarshi o‘tkazilgan uchrashuv sabab bo‘lgan. Mazkur bahsda Jezush Ronalduni maydonga tushirmaslikka qaror qilgan.

Shundan so‘ng portugaliyalik yulduz ijtimoiy tarmoqda rasmiy bayonot e’lon qilib, bosh murabbiyni avval berilgan va’dalarga amal qilmaganlikda ayblagan.

Ronalduning ta’kidlashicha, Jezush matbuot anjumanida ular o‘rtasida oldindan kelishilgan gaplardan farqli fikr bildirgan.

Futbolchining milliy terma jamoadan ketishiga oid bayonoti ijtimoiy tarmoqlarda katta qiziqish uyg‘otdi.

Xususan, uning Instagram sahifasidagi posti 18 milliondan ortiq layk va 62 mingdan ziyod izoh to‘pladi.

Facebook tarmog‘ida esa ushbu publikasiyaga 1,5 millionta reaksiya bildirildi va 62 mingtadan ortiq izoh qoldirildi.

Shunga qaramay, xabarga ko‘ra, Portugaliya milliy terma jamoasining amaldagi futbolchilaridan hech biri Ronalduning mazkur postiga layk bosmagan.