«Barselona» «Atletiko» hujumchisi Xulian Alvaresni sotib olish fikridan deyarli voz kechdi.

Bu haqda Marca jurnalisti Matteo Moretto xabar berdi. Manba ma’lumotlariga ko‘ra, Kataloniya klubi bu yozda argentinalik futbolchining transferini rasmiylashtirishga boshqa umid qilmayapti. Alvares keyingi mavsumda ham «Atletiko»da o‘ynashda davom etishi kutilmoqda.

Avvalroq «Barselona» forvardga jiddiy qiziqish bildirgani va uning transferi bo‘yicha taklif yuborgani haqida xabar berilgan edi. Alvaresning o‘zi ham klubini o‘zgartirish istagini yashirmagan, biroq, aftidan, ushbu transfer yaqin orada amalga oshmaydigan bo‘ldi.

OAV ma’lumotlariga ko‘ra, «Barselona» «Manchester Siti» yarim himoyachisi Rodri Ernandes transferiga yaqin turibdi.