ОФКнинг клублар ўртасидаги мусобақаларида 52 йиллик танаффусдан сўнг яҳудий миллатига мансуб футболчи гол урди. Бу ҳақда Самвел Карленич телеграм-канали хабар берди.
Кеча ОЧЛ доирасида ўтказилган "Аҳал" 1:2 "Ал Айн" ўйинида меҳмонларнинг голларидан бирига муаллифлик қилган Омер Ацили - янги бош мураббий Эрнан Креспо қўл остида ўзининг мусобақадаги дебютини ўтказди.
Сўнгги маротаба 1971 йили Исроилнинг "Маккаби" жамоаси - Клублар ўртасидаги Осиё чемпионати (ҳозирги ОЧЛ)да чемпионликни қўлга киритган эди. Араб-Исроил можаросининг кескинлашуви туфайли Исроил 1974 йили ОФК мусобақаларидан четлатилган ва 1994 йилга келиб, УЕФА аъзосига айланган эди.
