"Милан", "Ювентус" ва Италия терма жамоасининг собиқ ярим ҳимоячиси Андреа Пирло "Милан"дан "Ювентус"га ўтганини эслади.

"Ҳаммага мен ҳали ҳам ўзимнинг ёшлигимни ва ғалаба қозонишим мумкинлигини исботлашни жуда хоҳлардим. "Ювентус" билан биз тўртта чемпионликни қўлга киритдик ва Чемпионлар лигаси финалида ўйнадик. Мен Конте билан жуда илиқ ва самарали муносабатда эдим", - деди Пирло pianetamilan.it билан суҳбатда.

Андреа Пирло 2017 йилда футболчилик фаолиятини якунлаган. Пирло айни дамда Италиянинг “Сампдория” клуби бош мураббийи сифатида фаолият юритмоқда. 44 ёшли италиялик мутахассис билан шартнома 2025 йилнинг ёзига қадар мўлжалланган. Пирло профессионал мураббийлик фаолиятини 2020 йилда “Ювентус”ни бошқаришда бошлаган. Бунгача у “Кекса синьора” ёшлар тизимида ишлаган. Туринликлар жамоаси билан ишлаган биринчи йилидаёқ Андреа Суперкубоги ва Италия кубогини қўлга киритди.