"Барселона"нинг собиқ ҳимоячиси Жерар Пике чемпионатдаги натижалар ёмонлашганига қарамай, мухлисларни бош мураббий Хави Эрнандесга ишонишда давом этишга чақирди. “Кўк-анорранглилар” биринчи ўриндан 7 очко ортда қолмоқда. Жамоа турнир жадвалида тўртинчи ўринни эгаллаб турибди.
“Мен ҳали ҳам Хавини “Барселона”нинг энг яхши мураббийи деб ҳисоблайман. Унинг сўзларига қараганда, клуб ҳали қурилиш жараёнида? Мураббийга ишониш ва унинг гапларини тинглаш керак", - деди Пике Barca Universal билан суҳбатда.
Эслатиб ўтамиз, Пике ўтган мавсумнинг биринчи ярмида фаолиятини якунлаганини эълон қилиб, “Барселона”ни тарк этган эди.
