"Атлетик Бильбао" клуби 2027 йилнинг июнигача клубда қоладиган Иньяки Уилямс билан шартнома узайтирилганини эълон қилди. Бу клуб сафидаги 400-учрашувини ўтказишга тайёргарлик кўраётган футболчи учун ажойиб янгилик. Унинг ўзи ҳам бундан мамнунлигини яширмади:
"Мен учун клубда ўйнашни давом эттириш имконияти катта шарафдир. Мен укам Нико Уильямс билан бирга майдонда ҳаракат қилишда давом эта оламан, бу эса ота-онамни хурсанд қилади", - дея Иньякининг сўзларини келтиради клуб расмий сайти.
Испания чемпионатининг навбатдаги, ўн тўққизинчи турида “Атлетик” сафарда “Севилья”га қарши баҳс олиб боради.
