Миланнинг "Интер" клуби аргентиналик ҳужумчи Лаутаро Мартинес билан шартномани 2028 йилгача узайтиришга тайёр. Бу ҳақда журналист Николо Скира ижтимоий тармоқда хабар берди.
Манбага кўра, агар ушбу шартнома имзоланса, Мартинес йилига 8 миллион евро, қўшимча равишда бонуслар олади.
"Биз шартномамни узайтириш устида ишлаяпмиз" - деди Мартинес.
Эслатиб ўтамиз, аргентиналик футболчи "Интер" сафида 2018 йилдан буён ўйнаб келмоқда. Жорий мавсумда ҳужумчи "нерадзуррилар" сафида барча расмий турнирларда 26 та ўйин ўтказиб, 20 та гол ва 5 та голли узатмага муаллифлик қилган. Футболчининг "Интер" клуби билан амалдаги шартномаси 2026 йилнинг июнь ойи охиригача амал қилади. Transfermarkt порталига кўра футболчининг тахминий нархи 110 миллион еврони ташкил қилади.
