Milanning "Inter" klubi argentinalik hujumchi Lautaro Martines bilan shartnomani 2028 yilgacha uzaytirishga tayyor. Bu haqda jurnalist Nikolo Skira ijtimoiy tarmoqda xabar berdi.

Manbaga ko‘ra, agar ushbu shartnoma imzolansa, Martines yiliga 8 million yevro, qo‘shimcha ravishda bonuslar oladi.

"Biz shartnomamni uzaytirish ustida ishlayapmiz" - dedi Martines.

Eslatib o‘tamiz, argentinalik futbolchi "Inter" safida 2018 yildan buyon o‘ynab kelmoqda. Joriy mavsumda hujumchi "neradzurrilar" safida barcha rasmiy turnirlarda 26 ta o‘yin o‘tkazib, 20 ta gol va 5 ta golli uzatmaga mualliflik qilgan. Futbolchining "Inter" klubi bilan amaldagi shartnomasi 2026 yilning iyun oyi oxirigacha amal qiladi. Transfermarkt portaliga ko‘ra futbolchining taxminiy narxi 110 million yevroni tashkil qiladi.