Саудия Арабистони "Ан-Наср" клуби ва Португалия терма жамоаси ҳужумчиси Криштиану Роналду профессионал футболда дебют қилган Португалиянинг "Спортинг" клубига қайтиши мумкинми, деган саволга жавоб берди.

"Умид қилишнинг ҳожати йўқ, чунки мен бу йил ҳам, келаси йили ҳам "Ал-Наср"да қолишни хоҳлаётганимни айтгандим. Саудия Арабистонида ўзимни бахтли ҳис қиляпман. Бу ерда улар менга яхши муносабатда бўлишади, лига катта салоҳиятга эга ва кўпчилик бунга ишонмаса ҳам ўсишда давом этмоқда.

Португалия чемпионатига қайтишдан фойда йўқ. Бир неча кундан кейин 39 ёшга тўламан ва мавсумнинг қолган қисмини ва яна бир йилни "Ан-Наср"да ўтказаман, бу мен учун энг кўп ҳоҳлаган нарса. 40 ёшга кирсам, нима бўлишини кўрамиз. 40 ёшга тўлгунингизча бу даражада ўйнаш - бу ажойиб мақсад. Шундан сўнг, агар ҳамма нарса яхши бўлса, унда 41, 42 гача ўйнайман... Билмайман. Аммо Португалияда ўйнаш имконияти ҳақида гап бўлиши мумкин эмас", - деди Роналду Record билан суҳбатда.

Эслатиб ўтамиз, Роналду 2002 йилдан 2003 йилгача катталар "Спортинг" жамоасида ўйнаган. Бу даврда у 31 та учрашувда қатнашиб, 5 та гол ва 6 та голли узатмага муаллифлик қилган.