Saudiya Arabistoni "An-Nasr" klubi va Portugaliya terma jamoasi hujumchisi Krishtianu Ronaldu professional futbolda debyut qilgan Portugaliyaning "Sporting" klubiga qaytishi mumkinmi, degan savolga javob berdi.
"Umid qilishning hojati yo‘q, chunki men bu yil ham, kelasi yili ham "Al-Nasr"da qolishni xohlayotganimni aytgandim. Saudiya Arabistonida o‘zimni baxtli his qilyapman. Bu yerda ular menga yaxshi munosabatda bo‘lishadi, liga katta salohiyatga ega va ko‘pchilik bunga ishonmasa ham o‘sishda davom etmoqda.
Portugaliya chempionatiga qaytishdan foyda yo‘q. Bir necha kundan keyin 39 yoshga to‘laman va mavsumning qolgan qismini va yana bir yilni "An-Nasr"da o‘tkazaman, bu men uchun eng ko‘p hohlagan narsa. 40 yoshga kirsam, nima bo‘lishini ko‘ramiz. 40 yoshga to‘lguningizcha bu darajada o‘ynash - bu ajoyib maqsad. Shundan so‘ng, agar hamma narsa yaxshi bo‘lsa, unda 41, 42 gacha o‘ynayman... Bilmayman. Ammo Portugaliyada o‘ynash imkoniyati haqida gap bo‘lishi mumkin emas", - dedi Ronaldu Record bilan suhbatda.
Eslatib o‘tamiz, Ronaldu 2002 yildan 2003 yilgacha kattalar "Sporting" jamoasida o‘ynagan. Bu davrda u 31 ta uchrashuvda qatnashib, 5 ta gol va 6 ta golli uzatmaga mualliflik qilgan.
