Бразилиянинг Мараненсе штати чемпионатида иштирок этаётган "Мото Клуб" жамоасининг 45 ёшли мураббийи Марсиньо Геррейро билан кулгили ҳолат юз берди.

"Императрис" жамоасига қарши навбатдаги ўйин бошланишидан олдин у ҳибсга олинган. Сабаби алимент тўланмаслик, дея аниқлик киритмоқда Gllobo Esporte.

Бразилия қонунчилигига кўра, у шу сабабдан олтмиш кунгача қамоқда қолиши мумкин. Мураббийдан айрилганидан кўнгли тўкилган "Мото Клуб" ўйинда 1:3 ҳисобида имкониятни бой берди.

Шу сабабли, клуб раҳбарияти мураббийни ишдан бўшатиш орқали абсурдга ҳисса қўшишга қарор қилди. Шунинг учун у алимент тўлаш учун муқобил йўл билан пул топиши керак бўлади.