“Барселона” бош мураббийи Хави Эрнандес, агар мавсум якунига қадар жамоаси бирор соврин юта олмаса, истеъфога чиқишини яна бир бор маълум қилди.
Кеча "Барселона" Испания кубогининг чорак финал босқичида Бильбаонинг "Атлетик" жамоасига қўшимча бўлимларда 2:4 ҳисобида имкониятни бой бериб, мусобақадан чиқиб кетди.
"Агар мавсум охиригача чемпионлик учун курашмасак, кетишга мажбур бўламан. Мен "Барселона" мураббийиман ва қаерда эканлигимни биламан. Футболчи сифатида мен кўплаб унвонларни йўқотганман. Кўплаб совринларни қўлга киритдим, лекин кўп нарсаларни ҳам йўқотдим. Шанба куни “Вильярреал”га қарши ўйинда ҳаммасини бошидан бошлашимиз керак”, деди Хави матбуот анжуманида.
