Дунёнинг иккинчи ракеткаси, беларуслик теннисчи Aрина Соболенко Australian Open-2024 чемпиони бўлди ва шу тариқа ўтган йилги чемпионликни ҳимоя қилди.
Aвстралия очиқ чемпионати финалида Арина (2) дунёнинг 15-ракеткаси, Хитой вакили Чжэн Циньвэнни (15) 6:3, 6:2 ҳисобида мағлуб этди.
Теннисчиларнинг учрашуви 1 соат 17 дақиқа давом этди. Соболенко 3 та эйс амалга оширди, бирорта ҳам қўшхатога йўл қўймади ва тўпланган олтитадан учта брэйк поинт ишлади. Чжэн олтита эйс, олтита қўш хато ва тўртта ўтказиб юборилган брэйк-поинтга эга бўлди.
