Ильгиз Танташев жорий Осиё кубогининг 3та учрашувида ишлаган биринчи ҳакамга айланди. Бу борада иккинчи натижа бугунги ўйинда ишлайдиган қувайтлик Аҳмад Ал-Али бўлади.
Ильгизнинг ютуғи 42 учрашувни 31 нафар ҳакам бошқаргани билан ҳам қимматлидир. Ва улардан фақат 10 таси икки ёки ундан ортиқ ўйинда ишлаган.
Жумладан, эронда туғилган кейинчалик Австралия фуқаролигини олган Алиризо Фағоний ва амирликлар вакили Муҳаммад Абдулла Ҳасан иккитадан ўйин ўтказди. Ҳозирда иккаласи ҳам Осиё Кубокларида жами 9 тадан ўйинда ҳакамлик қилишган.
Осиё Кубоги тарихида энг кўп ўйин ўтказган етти нафар ҳакам қуйидагича кўриниш олди:
14 Равшан Эрматов (Ўзбекистон)
9 Саад Комил (Қувайт)
9 Алиризо Фағоний (Австралия)
9 Муҳаммад Абдуллоҳ Ҳасан (БАА)
8 Шамсул Майдин (Сингапур)
7 Наваф Шукрулла (Баҳрайн)
7 Рюжи Саито (Япония)
Ильгиз жами 4 та ўйинда ишлаган (1 таси Осиё Кубоги-2019да, 3 таси Қатарда). У ҳозирда ўйинлар сони бўйича ТОП-35 ҳакамлар қаторидан жой олди. Унинг навбатдаги учрашуви Танташевни ТОП-20 га олиб чиқади.
