Ilgiz Tantashev joriy Osiyo kubogining 3ta uchrashuvida ishlagan birinchi hakamga aylandi. Bu borada ikkinchi natija bugungi o‘yinda ishlaydigan quvaytlik Ahmad Al-Ali bo‘ladi.
Ilgizning yutug‘i 42 uchrashuvni 31 nafar hakam boshqargani bilan ham qimmatlidir. Va ulardan faqat 10 tasi ikki yoki undan ortiq o‘yinda ishlagan.
Jumladan, eronda tug‘ilgan keyinchalik Avstraliya fuqaroligini olgan Alirizo Fag‘oniy va amirliklar vakili Muhammad Abdulla Hasan ikkitadan o‘yin o‘tkazdi. Hozirda ikkalasi ham Osiyo Kuboklarida jami 9 tadan o‘yinda hakamlik qilishgan.
Osiyo Kubogi tarixida eng ko‘p o‘yin o‘tkazgan yetti nafar hakam quyidagicha ko‘rinish oldi:
14 Ravshan Ermatov (O‘zbekiston)
9 Saad Komil (Quvayt)
9 Alirizo Fag‘oniy (Avstraliya)
9 Muhammad Abdulloh Hasan (BAA)
8 Shamsul Maydin (Singapur)
7 Navaf Shukrulla (Bahrayn)
7 Ryuji Saito (Yaponiya)
Ilgiz jami 4 ta o‘yinda ishlagan (1 tasi Osiyo Kubogi-2019da, 3 tasi Qatarda). U hozirda o‘yinlar soni bo‘yicha TOP-35 hakamlar qatoridan joy oldi. Uning navbatdagi uchrashuvi Tantashevni TOP-20 ga olib chiqadi.
