"Интер" бош мураббийи Симоне Индзаги Массимилиано Аллегри тимсолида Туриннинг "Ювентус" клубидаги ҳамкасбига муносабати ҳақида гапирди.
Эслатиб ўтамиз, эртага "Интер" Италия А Сериясининг марказий ўйини доирасида "Ювентус" билан учрашади.
"Мен Аллегрининг мухлисиман, бу мавсумда биз ўзгача "Ювентус"ни томоша қиламиз. Бунда Массимилианонинг катта хизмати. У чемпионлик пойгасида бўлиш учун жуда кўп иш қилди", - деди Индзаги матбуот анжуманида.
Ҳозирда “Интер” чемпионлик учун курашда “Ювентус”дан бир очко олдинда. Айни пайтда Индзаги жамоасида битта захира ўйини бор.
