Футзал бўйича клублар ўртасида Осиё чемпионатининг саралаш босқичига қуръа ташланди. Ўзбекистон чемпиони "Ардус" ўтган йилги мусобақанинг финалигача етиб боргани боис, саралаш босқичидан озод этилган.

Саралаш баҳслари эса 4та гуруҳда ўтказилади ва гуруҳларда 1-ўринни олганлар финал босқичи йўлланмасини қўлга киритишади.

Қуръа натижалари
1-саралаш минтақаси
«А» гуруҳи: "Ал-Васл" (БАА), "Ас-Садақа" (Ливан), "Нафт Ал Васат" (Ироқ).
«В» гуруҳи: «Дордой» (Қирғизистон), "Ас-Салмия" (Кувайт), "Ас-Садд" (Қатар).

2-саралаш минтақаси.
«А» гуруҳи: "GH Банк" (Таиланд), "Шенжен Нанлинг" (Хитой), "Пасаргад" (Филиппин), "Тайнан Сити" (Хитой Тайпейи).
«В» гуруҳи: "Пелиндо" (Индонезия), Тай Сон Нам (Вьетнам), Дурал Уорриорс" (Австралия).

«Гити Пасанд» (Эрон), «Ардус» (Ўзбекистон) ва «Нагоя» (Япония) клублари мусобақанинг финал босқичида тўғридан-тўғри иштирок этишади.