"Барселона" ва Беларус терма жамоасининг собиқ ярим ҳимоячиси Александр Глеб Каталония жамоаси бош мураббийи Хави ҳақида гапирди.
“Хави - жамоанинг мияси. У мени доим ҳайратда қолдирган ва уни дунёдаги энг яхши футболчилардан бири деб билганман. Хави билан бир жамоада ўйнаш ёқимли эди, чунки у майдонни кўрди ва ҳамма нарсани ҳис қилди.
Уни тасвирлаш учун ҳатто сўзлар ҳам етарли эмас. Ишончим комилки, у ўзини мураббий сифатида кўрсатади. Шунчаки, у "Барселона"га авлодлар алмашинуви, ўйинни қайта қуриш керак бўлган ва молиявий муаммолар юзага келган бир пайтда келган. Бундай клубда ишлаш жуда катта босим, ҳар доим юқори натижалар кутилади. Сабабларини жамоа ичида бўлмасдан тушуниш қийин", - деди Глеб.
