Жером Ротен Лионель Мессининг Париж Олимпиадасида ўйнаши мумкинлиги ҳақида фикрини билдирди.
Аввалроқ Аргентина U23 терма жамоаси саралаш турнирида Бразилияни мағлуб этиб, Париж Олимпиадасига йўлланма олганди. Миллий терма жамоа бош мураббийи Хавьер Маскерано Мессининг Парижда бўлиб ўтадиган Олимпия ўйинларида жамоа сафида ўйнашига қарши эмаслигини айтди.
"ПСЖ"да ўйнаган Ротен парижликларни Лионель Францияга Олимпиада ўйинларига қайтган тақдирда унга ҳуштакбозлик қилишга чақирди. Аргентиналик футболчи 2021 йилдан 2023 йилгача “ПСЖ” сафида тўп тепган.
"Агар у Аргентина либосини кийиб Парижга қайтса, шафқатсиз бўлинг демайман.
Лекин у майдонга тушганда унга ҳуштак чалиш керак!” - деди Ротен.
Месси "ПСЖ" сафида 75 та ўйинда 32 та гол урди ва 35 та голли узатмани амалга оширди.
