Хабарингиз бор, 2024 йилнинг март ойида юртимиз 20 ёшгача аёл-қизлар ўртасидаги Осиё кубоги мусобақасининг финал ўйинларига мезбонлик қилади. Учрашувлар «ЖАР» ва «Дўстлик» майдонларида бўлиб ўтади. Мазкур мусобақага тайёргарлик ишлари қизғин давом этмоқда. Хусусан, ЎФА ишчи гуруҳи томонидан ўйинлар ва машғулотлар бўлиб ўтадиган ҳудудлар ҳамда мавжуд шароитлар ўрганилиб, халқаро стандартларга мувофиқлаштириш бўйича ҳаракатлар олиб бориляпти.

ЎФА вакиллари Тошкент вилоятида жойлашган Терма жамоалар маркази майдонидаги таъмирлаш ишларини ўрганди. Эътиборлиси, янги бунёд этилаётган Марказ илк бор халқаро миқёсдаги турнирни ўзида қабул қилади.

Ишчи гуруҳ ўйинлар бўлиб ўтадиган майдоннинг техник-ташкилий ҳудудларини кўздан кечирди. Барча жараёнларни сифатли амалга ошириш юзасидан кўрсатмалар берилди.

Эслатиб ўтамиз, мусобақада Ўзбекистон, Жанубий Корея, Австралия, Хитой Тайпейи, Япония, КХДР, Хитой, Ветнам терма жамоалари Колумбияда ўтадиган ЖЧга 4 та йўлланма учун кураш олиб боради.