Осиё чемпионлар лигаси 1/8 финали жавоб учрашувида “Ал-Ҳилол” ўз майдонида “Сепахон”ни мағлуб этди – 3:1.
Саудия клубига ғалаба Салем ал-Давсарий (76-дақиқа), Рубен Невеш (82-дақиқа) ва Александр Митрович (90+7-дақиқа) томонидан киритилган голлар эвазига келтирилди.
Эрон клубининг ягона голига Фаршод Аҳмадзода (54-ўрин) муаллифлик қилди.
Меҳмонлар 54-дақиқадан бошлаб озчиликда ўйнашди - ҳимоячи Сиаваш Яздани қизил карточка олди.
Биринчи ўйинда “Ал-Ҳилол” худди шу ҳисобда ғалаба қозонганди (3:1) ва умумий ҳисобда (6:2) Осиё чемпионлар лигасининг чорак финалига йўл олди.
