"Челси" ярим ҳимоячиси Энцо Фернандес жамоаси учун Лига кубогида ғалаба қозониш қанчалик муҳимлиги ҳақида гапирди. Эртага “кўклар” айни дамда Англия Премьер-лигасида пешқадамлик қилаётган “Ливерпуль”га қарши турнирнинг ҳал қилувчи ўйинида майдонга тушади.
"Уэмбли"да Лига кубогини ютиш жуда муҳим бўларди. Мен ғалаба қозонишни хоҳлайман, лекин бу фақат менга боғлиқ эмас. Мен жамоамдаги футболчилар билан соврин ютмоқчиман. Менинг шерикларим бу совринга лойиқ, чунки охирги 18 ой биз учун доим ҳам осон бўлмаган", - дея Фернандеснинг сўзларини келтиради "Челси" расмий сайти.
Энцо жорий мавсум Англия чемпионатида учта гол урди.
