ФИФА турли қитъа конфедерациялари терма жамоалар иштирокидаги ўртоқлик ўйинларининг янги лойиҳасини йўлга қўйди. Лойиҳа "FIFA Series" деб номланади. Бу ўйинлар ҳар икки йилда (жуфт йиллари) март ойидаги ФИФА кунлари пайтида ўтказилади.

Турли қитъанинг 4 та терма жамоаси бир мамлакатда йиғилган ҳолда ўйинларда иштирок этишади. Бу орқали ФИФА турли мамлакатлар терма жамоаларнинг ривожланишига имконият яратмоқчи.

Бу галги «FIFA Series» ўйинлари 18 - 26 март кунлари Жазоир, Озарбойжон, Саудия Арабистони ва Шри-Ланкада ўтказилади. Улар қуйидаги терма жамоалар иштирок этишади:

«FIFA Series» (Жазоир) – Жазоир, Андорра, Боливия, ЖАР;

«FIFA Series» (Озарбойжон) – Озарбойжон, Болгария, Мўғулистон, Танзания;

«FIFA Series» (Саудия Арабистони, A) – Кабо-Верде, Камбожа, Экваториал Гвинея, Гайана;

«FIFA Series» (Саудия Арабистони, B) – Бермуд ороллари, Бруней, Гвинея, Вануату;

«FIFA Series» (Шри-Ланка) – Бутан, Марказий Африка Республикаси, Папуа – Янги Гвинея, Шри-Ланка.

Лойиҳа 2026 йилдан тўлақонлик йўлга қўйилади.