"Барселона" ҳужумчиси Роберт Левандовски Хавининг тез орада жамоани тарк этиши ҳақида гапирди.

Аввалроқ, 44 ёшли мутахассис 2023/24 йилги мавсум якунида "кўк-анорранглилар" бош мураббийи лавозимини тарк этишини маълум қилганди.

"Хави мавсум охиригача бизнинг мураббийимиз бўлади ва биз учун ўз ишимизга эътибор қаратиш жуда муҳим. Бу Хави учун қийин ҳиссий босқич бўлганини тушунаман. Унинг учун "Барселона" клубдан кўра кўпроқ. Унинг оиласи учун ҳам осон бўлмаганини тушунаман", - дея Левандовскининг сўзларини келтиради Каталония клуби расмий сайти.

26 турдан кейин “Барселона” 57 очко билан Испания чемпионати турнир жадвалида учинчи ўринни эгаллаб турибди. Пешқадам “Реал”дан фарқ 8 очкони ташкил этади.

3 март куни "Барселона" сафарда "Атлетик"га қарши ўйин ўтказади.