Лондоннинг "Арсенал" клуби чап қанот ҳимоячиси Якуб Кивер ёзги трансфер ойнасида клубини ўзгартириши мумкин. Журналист Экрем Конурнинг ёзишича, 24 ёшли футболчининг хизматларига Европанинг учта клуби қизиқиш билдирмоқда.
Гап “Наполи” ва “Милан” ҳамда “Атлетико Мадрид” ҳақида бормоқда. Маълумотларга кўра, "Арсенал" Кивернинг келажаги борасидаги қарорни мавсум охирида қабул қилади.
Жорий мавсумда ҳимоячи барча турнирларда 24 та учрашувда қатнашиб, битта гол урди ва 3 та голли узатмани амалга оширди. Кивернинг "Арсенал" билан шартномаси 2028 йилгача мўлжалланган.
