"Милан" "Фенербахче" ярим ҳимоячиси Себастян Шиманьскига қизиқиш билдирмоқда, дея хабар беради Akşam.
Манба берган хабарга кўра, турк клуби 24 ёшли польякни Италия жамоасига 18 миллион евро эвазига сотишдан бош тортган, аммо "россонери"лар таклифни яхшилаш ниятида.
Трансфернинг тахминий суммаси 25 миллион еврога баҳоланмоқда. Футболчига "Милан"дан ташқари "Наполи" ва "Тоттенхэм" ҳам қизиқиш билдирмоқда.
Шимански "Фенербахче"га 2023 йилнинг июлида Москванинг "Динамо" клубидан ўтган эди. 2023/24 йилги мавсумда ярим ҳимоячи жамоа сафида барча мусобақаларда 46 та ўйинда майдонга тушиб, 12 та гол урди ва 14 та голли узатмани амалга оширди.
Transfermarkt.com портали футболчининг нархини 20 миллион еврога баҳоламоқда.
