"Челси" бош мураббийи Маурисио Почеттино Лондон жамоасининг энг яхши футболчиси ким, деган саволга жавоб берди. Аргентиналик мутахассиснинг сўзларига кўра, бу ярим ҳимоячи Коул Палмер бўлиб, у "кўклар"нинг жорий мавсумдаги самарали ҳаракатлари сони бўйича етакчи ҳисобланади.
"Палмер "Челси"нинг энг яхши футболчисими? Бу аниқ. У ҳамма учун намуна. Кўриш мумкинки, жамоа қийналаётганда футболчилар кўпинча Палмерга таянишади", - деди Почеттино матбуот анжуманида.
Англия Премьер-лигасининг ушбу мавсумида Палмер 13 та гол ва 8 та голли узатмани амалга оширди.
