Лондоннинг "Челси" клуби бош мураббий Маурисио Почеттинони мавсум якунига қадар истеъфога чиқармоқчи эмас. Журналист Дэвид Орнштейннинг маълумотларига кўра, аргентиналик мутахассис яқин орада истеъфога чиқарилиши даргумон.

Маълум қилинишича, "Челси" раҳбарияти мавсум якунида Почеттинонинг ишига баҳо беради, шундан сўнг аргентиналик мутахассис билан ҳамкорликни давом эттиришга арзийдими, деган қарорга келади.

Почеттино қўл остидаги “Челси” феврал ойида Лига кубоги финалига чиқди ва у ерда “Ливерпул”га имкониятни бой берди. Чемпионатда Лондон жамоаси турнир жадвалида ўн биринчи ўринни эгаллаб турибди.