Бир кун аввал “Интер” “Сан-Сиро”да “Эмполи”ни қабул қилиб, А Серия 30-турининг сўнгги ўйинида 2:0 ҳисобида ғалаба қозонди. Бу натижа Симоне Индзаги шогирдларига Италия чемпионатидаги мағлубиятсиз сериясини давом эттириш ва турнир жадвалида “Милан”дан 14 очко олдинга бориш имконини берди.
"Эмполи" устидан қозонилган ғалаба А Серия пешқадами учун дастлабки 30 турдаги 25-ғалаба бўлди. Бу клуб тарихидаги энг яхши натижанинг такрорланишидир. Бу Роберто Манчини бошчилигида биринчи марта 2006/07 йилги мавсумда содир бўлганди.
“Интер” 79 очко тўплади ва 2024/25 йилги мавсумда Чемпионлар лигасида муддатидан олдин иштирок этишини таъминлади. Мавсум тугашига 8 тур қолганида “нерадзуррилар” 50 очко билан 5-ўринни якунлаб турган “Рома” учун етиб бўлмас бўлиб қолди.
