"Милан"нинг собиқ ҳимоячиси Кафу "Реал"нинг амалдаги бош мураббийи Карло Анчелоттининг Бразилия терма жамоаси бош мураббийи лавозимига тайинланиши мумкинлиги ҳақида фикр билдирди.
Кафу Анчелоттини яхши мураббий деб атади ва Бразилия терма жамоасида ҳеч қачон хорижлик мураббий бўлмаганини таъкидлади.
"Бу нормал ҳолат эмас. У ҳеч қачон Бразилия терма жамоасини бошқаришни хоҳлаётганини айтмаган. Бразилиялик мухлислар унга унчалик ҳам ишонишмаяпти. Бразилия терма жамоасида бўлганингизда, буни бутун дунёга эълон қилишни хоҳлайсиз", - деди Кафу Матч ТВ билан суҳбатда.
Эслатиб ўтамиз, Анчелотти бошчилигида "Реал" икки марта Чемпионлар лигасида ғолиб чиққан. Италиялик мутахассис “Милан”, “Ювентус”, “Челси”, “ПСЖ”, “Бавария” ва “Эвертон” клубларини ҳам бошқарган.
