"Интер Майами" бош мураббийи Херардо Мартино МЛСнинг навбатдаги мавсумида "Колорадо Рапидс" билан дурангдан кейин (2:2) ўз жамоаси ҳужумчиси Лионель Мессининг ўйинини юқори баҳолади.

36 ёшли аргентиналик футболчи жароҳатидан кейинги илк ўйинини ўтказди, танаффусдан сўнг захирадан майдонга тушди ва гол урди.

"Лео учун жамоани, шерикларини уйғотиш одатий ҳол. Ва энг муҳими, у ўзини қулай ҳис қилди. Бу бизга "Монтеррей"га қарши жавоб ўйинига (КОНКАКАФ Чемпионлар Кубогида) ишонч бағишлайди.

Месси "Монтеррей"га қарши ўйинни асосий таркибда бошлайдими? Шундай фикр бор, лекин у атиги 45 дақиқа ўйнади ва биз бўлажак ўйин талаблари жиддийлигини тушунамиз. Асосийси, у қайтди, ўзини яхши ҳис қилмоқда, гол урди ва иккинчи голда иштирок этди", - деди Мартино МЛС матбуот хизматига.