Москванинг ЦСКА клуби бош мураббийи Владимир Федотов Мюнхеннинг “Бавария” клуби ярим ҳимоячиси Аббосбек Файзуллаев хизматларига қизиқиш билдираётгани ҳақида гапирди.
"Албатта, “Бавария” ажойиб, лекин барибир ЦСКА ҳақида ўйлаш керак. У бу ерда ўзини кўрсатиши ва жамоага ёрдам бериши керак", - дейди мураббий.
Эслатиб ўтамиз, Файзуллаев ўтган ёзда “ЦСКА” сафига келиб, яна бир мавсумга узайтириш ҳуқуқи билан 2026 йилгача шартнома тузган эди.
Жорий мавсумда Ўзбекистон миллий терма жамоасининг 20 ёшли футболчиси барча турнирларда 23 та ўйинда иштирок этиб, ўз ҳисобига 3 та гол ва 9 та голли узатма ёздириб қўйишга эришди.
