Қатар U-23 терма жамоаси Иорданияга қарши баҳс олиб борди. Учрашувнинг 40-дақиқасида Алязиди ҳисобни очди. 52-дақиқада эса иорданиялик футболчи Ҳаж пенальтини аниқ амалга ошириб, мувозанатни тиклади. Ҳакам қўшиб берган дақиқаларда эса қатарлик Алманаи жамоасига ғалаба келтирувчи гол муаллифига айланди.

"А" гуруҳининг яна бир ўйинида Индонезия Австралия билан тўқнаш келди. Биринчи бўлимнинг сўнгида Индонезия футболчиси Тегу томонидан урилган гол терма жамоасига кичик ҳисобдаги ғалабани олиб келди.

2-турдан сўнг гуруҳдаги вазият қуйидагича кўриниш олди: Қатар 6 очко билан пешқадам, Индонезия ҳисобида 3 очко мавжуд. Иордания 1 очко билан 3-поғонани банд этган бўлса, Австралия 1 очко билан гуруҳ аутсайдерига айланди.

U-23 Осиё кубоги, 2-тур
18 апрель, пайшанба
Иордания U-23 — Қатар U-23 1:2
Голлар: 0:1 — 40 Алязиди, 1:1 — 52 Ҳаж (пенальти), 1:2 — 90+14 Алманаи

Индонезия U-23 — Австралия U-23 1:0
Гол: 1:0 — 45 Тегу.