"ПСЖ" ҳужумчиси Килиан Мбаппе "Реал"га ўтиш учун бонус тўловларини қурбон қилиши мумкин. Инсайдер Рамон Альвареснинг сўзларига кўра, 25 ёшли юлдуз ўзининг содиқлик мукофотидан, шунингдек, маошининг бир қисмидан воз кечади. Бу сумма тахминан 128 миллион еврони ташкил қилади.
Мбаппе жорий мавсум охирида қироллик клубига ўтиши керак. Томонлар беш йиллик меҳнат шартномасини имзолайдилар. "Лос-Бланкос" Килианни текинга олади, чунки унинг Париж клуби билан шартномаси июн ойи охиригача амал қилади.
Франция чемпионатининг жорий мавсумида Мбаппе 26 та ўйин ўтказиб, 24 та гол ва 6 та голли узатмани амалга оширди.
