"Челси"нинг собиқ ҳимоячиси Жон Терри португалиялик мураббий Андре Виллаш-Боаш билан юз берган можаро ҳақида гапирди.
"Мен эконом-классда 13 соатлик парвозда бўлишим керак эди, лекин ёш футболчилар бизнес-классда ўтиришганди. Бу Андренинг жамоа фахрийларига имтиёз бермаслик сиёсатининг бир қисми эди. Мен ўтирдим ва ўйладим: йўқ, ёш футболчилар эконом-классга қайтмагунча мен ҳеч қаерга учмайман. Виллаш-Боаш биринчи куниёқ ўзини кўрсатишга уринди, бироқ бир зумда бунинг уддасидан чиқа олмади", - деди Терри Football Talk билан суҳбатда.
Эслатиб ўтамиз, Терри 1998 йилдан 2017 йилгача "Челси"нинг асосий жамоасида ўйнаган. Англиялик футболчи беш марта лига ва Англия кубогини қўлга киритган, шунингдек, бир мартадан Чемпионлар лигаси ва Европа лигасида ғолиб чиққан.
